Kuch ajeeb
hai ye zindagi
Kuch ajeeb
hai iski baatein
Kahi hai
khushnuma si hawaayein
Kahi hai
gehri andhero si raatein
Kahi koi baarish
ki rimjhim se khush ho raha
Kahi kisaan
iss barsaat me jallosh mana raha
Kahi koi door
unhi boondon me aansu chipa raha
Kitne asaani
se gam ghul jaate hai boondon me soch raha
Kahi koi suraj
ki kirano ko naman kar raha
Shraddha se dhanyawad
bolkar apne haath jod raha
Kahi koi door
registan ki jalti dhoop me tadap raha
Kab sham le
aayegi rahat itni garmi ko hara kar ye soch raha
Kahi koi
baccha jaanleva thandi mein thithoor raha
Kahi ghar
nahi hai uska, apne aap me hi who simat raha
Kahi koi door
apne ghar mein baith thoda jashn mana raha
Sardi ki sham
ka anand sab ke saath apne andaaz me utha raha
Kahi koi sipaahi
jaan lagakar sarhad par lad raha
Apne
matrubhumi ki suraksha pure atma bhaan se kar raha
Kahi koi
kisaan usi sima par sone sa dhaanya uga raha
Annadata ko
pranam kar apna kartavya nishta se kar raha
Kahi koi
navjaat shishu apni aakhen khol raha
Apni nayi
duniya me pehli saansein dheere se le raha
Kahi koi anjaan
ab kabhi naa uthne ke liye aaj so raha
Usse kya pata
wo dusre jahan me jaane ke liye tayaar ho raha
Kahi ek beta
apni maa se milne uske gao jaa raha
Bahut se
taufe aur dher saara pyaar bhi saath lekar jaa raha
Kahi ek beta
apne beemar budhi maa ki seva kar raha
Aaj ki shyam
dhalte dekhegi ya nahi maa yun woh ghabra raha
Kahi ek
naujavan kai saalon ke baad ghar laut raha
Bade bade desho
me naam roshan kar ke swades laut raha
Kahi ek pita ganga
mein nahane ke baad khud makan laut raha
Apghat me
gujre bête-bahu ki asthiyan bahane ke baad ghar laut raha
Kahi koi apni
aane wali maut se jhoojh raha
Thode aur pal
apne pyar se milne ke liye maang raha
Kahi koi
akela vruddh karkrog me asahay sa tadap raha
Le chal mujhe
itni taklif se door aisi maut se prarthna kar raha
Kuch ajeeb
hai ye zindagi
Kuch ajeeb
hai iski baatein
Kahi hai
khushnuma si hawaayein
Kahi hai
gehri andhero si raatein
